2:2 Remis zu Miersch!

No enger geckeger Schlussphase geet de Match mat engem Remis aus. No 98 Minutte steet et hei zu Miersch 2:2. No enger morer 1. Hallschent op engem schwieregen Terrain ass et dunn an der 2. Hallschent direkt mam 1:0 fir de Favorit ugaangen. Den Deville gett mat engem laange Ball gesicht a behaapt sech géint de Mierscher Schlussmann a leet dem Stolz de Ball op, deen e just nach muss an den eidele Gol schéissen. Dunn huet de Rodrigues e schlechten Ausfluch vum Dupier genotzt, fir den Ausgläich ze markéieren. Den Distanzschoss geet wonnerbar eran. Duerno waren et d'Mierscher déi iwwerraschend kuerz viru Schluss per Konter a Féierung gaange sinn. De Rodrigues spillt de Ball op de Meyong, deen den Dupier ausdanzt an op 2:1 erhéicht. Dunn koum et leider aus fir déi Mierscher zum Ausgläich an der Nospillzäit, wou den Akhalaia de Golkipp tunnelt. Sou geet de Match mat 2:2 aus. Schéine Weekend nach.